За една недела во Струмица се вакцинирале околу 1.000 граѓани против сезонски грип
- Од почетокот на вакцинирањето против сезонскиот грип досега во Струмица се имунизирани ококу 1.000 лица. Од Центарот за јавно здравје во Струмица информираат дека интересот на граѓаните за ва
![За една недела во Струмица се вакцинирале околу 1.000 граѓани против сезонски грип](https://mia.mk/index.php/images/20221114015651_big_730x400_14.webp )
Струмица, 31 октомври 2022 (МИА) - Од почетокот на вакцинирањето против сезонскиот грип досега во Струмица се имунизирани ококу 1.000 лица. Од Центарот за јавно здравје во Струмица информираат дека интересот на граѓаните за вакцинирање е ист како лани.
Најголем е интересот кај граѓаните на возраст над 65 години.
-Покрај оваа група граѓани, бесплатна вакцина примаат и хронично болните, бремените жени, здравствените работници и децата од 6 месеци до 5 години, информира директорот Петре Витанов.
Вакцинирањето против грип се врши на три пунктови, од кои едниот е во Валандово, кој го покрива Центарот за Јавно здравје во Струмица.
Покрај интересот за бесплатното вакцинирање, голем интерес има и за комерцијалните вакцини за кои се плаќа 800 денари. рт/дма/