Затворен аеродромот во Катанија поради нова ерупција на Етна
- Сицилијанските власти денеска забележаа ново зголемување на активноста на вулканот Етна, а поради испуштање вулканска пепел затворен е и аеродромот во Катанија.
![Затворен аеродромот во Катанија поради нова ерупција на Етна](https://mia.mk/index.php/images/20240723151406_big_730x400_2.webp )
Рим, 23 јули 2024 (МИА) - Сицилијанските власти денеска забележаа ново зголемување на активноста на вулканот Етна, а поради испуштање вулканска пепел затворен е и аеродромот во Катанија.
Како што пренесуваат италијанските медиуми, прекинот на полетувањата и слетувањата доведе до откажување и пренасочување на летовите, а операциите на аеродромот ќе продолжат откако ќе заврши отстранувањето на пепелта од инфраструктурата.
Еруптивната активност се уште е во тек, а Националниот институт за геофизика и вулканологија во Катанија го снимил тресењето на каналот на магмата, што доведува до силни удари, пренесува Кориере дела сера. паг/
Фото: МИА архива