Лондон, 22 ноември 2024 (МИА) - Американската амбасада во Лондон влезе во состојба на блокада, со воспоставување поширок периметар околу зградата поради безбедносна закана, изјавија за Јерусалим пост извори блиски до ситуацијата.

Британската полиција подоцна појасни дека полицајците истражувале сомнителен пакет во областа Најн Елмс во јужен Лондон и дека блокадите на патиштата биле поставени како мерка на претпазливост.

We’re aware of speculation online about an incident in the vicinity of the US Embassy in Nine Elms.

Cordons are in place in the area as a precaution while officers investigate a suspect package.

We will provide a further update in due course.

— Metropolitan Police (@metpoliceuk) November 22, 2024

„Свесни сме за шпекулациите на интернет во врска со инцидентот во близина на американската амбасада во Најн Елмс“, соопшти лондонската Метрополитен полиција на социјалната мрежа Х.

„Блокади се поставени во областа како мерка на претпазливост додека полицајците го истражуваат сомнителниот пакет. Дополнителни информации ќе споделиме во наредниот период“, се наведува во соопштението.

Амбасадата на САД на Икс објави дека полицијата го затворила патот во близина на зградата „од претпазливост“. паг/

Local authorities are investigating a suspicious package outside the U.S. Embassy in London. Met Police are present and have closed Ponton Road out of an abundance of caution. We will provide further updates when available. Please monitor @metpoliceuk for updates.

— U.S. Embassy London (@USAinUK) November 22, 2024

Фото: ЕПА