Засадени нови декоративни зимзелени дрвца во Крива Паланка
- Јавното претпријатие „Комуналец" од Крива Паланка набави околу 200 садници разни видови декоративни зимзелени дрвца кои се засадени на повеќе локации во Општина Крива Паланка.
![Засадени нови декоративни зимзелени дрвца во Крива Паланка](https://mia.mk/index.php/images/20221113165034_big_730x400_41.webp )
Крива Паланка, 27 јуни 2022 (МИА) - Јавното претпријатие „Комуналец" од Крива Паланка набави околу 200 садници разни видови декоративни зимзелени дрвца кои се засадени на повеќе локации во Општина Крива Паланка.
Набавката е извршена согласно годишната програма за 2022 година на секторот паркови и зеленило во претпријатието.
- Во координација со градоначалникот и локалната самоуправа, направено е модерно и во нов стил хортикултурно уредување на клучките на влезот и излезот од градот, на јавните зелени површини на спојот на главната улица св.Јоаким Осоговски со магистралниот пат А2, Куманово -Крива Паланка, како и на крајпатните зелени и уредени површини и во централниот градски парк. Засадени се декоративни садници: туја, лилјани, царекс, спиреа јапоника, селикс интегра, фотинија, нандина и други. Со ова дополнително е разубавен градот покрај редовното обновување на цветните површини и цветните декоративни форми, изјави Миле Марковски, директор на ЈП Комуналец, Крива Паланка.
Секторот паркови и зеленило во претпријатието работи на одржување на урбаното зеленило во кејот на Крива Река, покрај ролерско-велосипедската патека, на сите уредени јавни зелени површини, како и на подигнување нови зелени површини во градот. ид/цр
![IMG-eea26e456db29eb96817cc1c697a1c37-V](/articles/images/%d0%b7%d0%b0%d1%81%d0%b0%d0%b4%d0%b5%d0%bd%d0%b8-%d0%bd%d0%be%d0%b2%d0/qkPv5qXdE/placeholder.webp?use_watermark=0)