Заев му ја честиташе на Милановиќ победата на претседателските избори во Хрватска
- Претседателот на СДСМ Зоран Заев вечерва му ја честита победата на кандидатот на СДП Зоран Милановиќ на претседателските избори во Хрватска.
![Заев му ја честиташе на Милановиќ победата на претседателските избори во Хрватска](https://mia.mk/index.php/images/20221102114036_big_730x400_28.webp )
Скопје, 5 јануари 2020 (МИА) - Претседателот на СДСМ Зоран Заев вечерва му ја честита победата на кандидатот на СДП Зоран Милановиќ на претседателските избори во Хрватска.
-Мојот другар Зоран Милановиќ вечерва победи на претседателските избори во пријателска Хрватска, согласно волјата на хрватските граѓани. Од срце му упатувам честитки на Зоран и на сестринската @SDPHrvatske, напиша Заев на неговиот Твитер налог.
Во твитот Заев истакна дека социјалдемократијата е разумна опција за регионот и Европа.
-Јасно е дека социјалдемократијата е опција на разумот, напредокот и иднината, кај нас, во регионот и во Европа. Очекуваме силна поддршка од претседателот Милановиќ за европските интеграции на Северна Македонија и за скорешен почеток на преговорите со ЕУ, истакна Заев во својот твит. ац/
![Заев Милановиќ честитки](/articles/images/zaev-mu-a-chestitashe-na-milanovi-pobedata-na-pretsedatelskite-izbori-/K9FeILdkN/placeholder.webp?use_watermark=0)