Заврши доизградба на дел од велосипедската патека Делчево-Илин Камен
- Заврши доизградба на дел од велосипедската патека Делчево-Илин Камен. Проектот опфаќаше изградба на улица во село Ѕвегор, како дел од патеката која е долга 720 метри, соопштија од општината.
![Заврши доизградба на дел од велосипедската патека Делчево-Илин Камен](https://mia.mk/index.php/images/20221108222202_big_730x400_91.webp )
Делчево, 12 ноември 2021 (МИА) - Заврши доизградба на дел од велосипедската патека Делчево-Илин Камен. Проектот опфаќаше изградба на улица во село Ѕвегор, како дел од патеката која е долга 720 метри, соопштија од општината.
- Средствата за реализација на овој проект се обезбедени од Министерство за локална самоуправа преку Бирото за регионален развој, а во рамки на Програмата за рамномерен регионален развој, проект за развој на подрачјата со специфични развојни потреби. Висината на инвестицијата е 4,9 милони денари со вклучен ДДВ. Од Бирото за рамномерен регионален развој се обезбедени 3,5 милиони денари. Градежните работи ги изведуваше фирмата СД Транс, посочија од општината.
![велосипедска патека Делчево-Илин Камен 1](/articles/images/%d0%b7%d0%b0%d0%b2%d1%80%d1%88%d0%b8-%d0%b4%d0%be%d0%b8%d0%b7%d0%b3%d1/OxiuBOaaM/placeholder.webp?use_watermark=0)
Градоначалникот Горан Трајковски, кој изврши увид во градежните работи истакна дека реализацијата на овој проект е во насока на промоција на природниот раритет Илин Камен кој е во непосредна близина на Ѕвегор, зголемување на потенцијалите и содржините на туризмот во Делчево, како и промоција на велосипедизмот и рекреативното пешачење.
Со оваа инвестиција e реализиран и вториот дел од велосипедската патека која поминува низ село Ѕвегор.вс/фф/