Заборски и Стојановиќ од Макпетрол ќе се борат за бронза на Светската карате лига
- Петар Заборски и Стефан Стојановиќ од клубот Макпетрол ќе се борат за бронзен медал на Светската карате премиер-лига, А Серија во Ларнака, Кипар. Двоецот на скопскиот клуб прикажа добри борби на досегашните натпреварувања.
![Заборски и Стојановиќ од Макпетрол ќе се борат за бронза на Светската карате лига](https://mia.mk/index.php/images/20230930134829_big_730x400_98.webp )
Ларнака, 30 септември 2023 (МИА) - Петар Заборски и Стефан Стојановиќ од клубот Макпетрол ќе се борат за бронзен медал на Светската карате премиер-лига, А Серија во Ларнака, Кипар. Двоецот на скопскиот клуб прикажа добри борби на досегашните натпреварувања.
Во елиминацискиот дел од борбите Заборски извојува три последователни победи и еден пораз, а во репасажот славеше против претстaвникот на Грузија со прв освоен поен, бидејќи борбата заврши 1-1. Во соочувањето за бронзениот медал, тој силите ќе ги одмери со Вилијам Дијантете од Белгија.
Стефан Стојановиќ, исто така, забележа три победи и пораз, а преку репасаж стигна до борба за третата позиција. Во репасажот славеше против Богдан Трикос од Србија со 1-0, а за бронзата ќе се бори со Махди Ашури (Иран).
Соочувањата за бронзените медали ќе се одвиваат утре (недела, 1 октомври).
Заборски пред една недела освои бронзен медал на Балканското првенство во Тирана.
Денеска на турнирот во Кипар настапуваат Симона Заборска (-55 кг.) и Давид Петков (-67 кг.). зс/