ЖРК Ѓорче Петров против Јупен во третото коло на ЕХФ купот
- Македонскиот ракометен шампион, Ѓорче Петров за противник во 3. коло на ЕХФ купот го доби тимот на Јупен од Белгија.
![ЖРК Ѓорче Петров против Јупен во третото коло на ЕХФ купот](https://mia.mk/index.php/images/20231003121630_big_730x400_73.webp )
Виена, 3 октомври 2023 (МИА) – Македонскиот ракометен шампион, Ѓорче Петров за противник во 3. коло на ЕХФ купот го доби тимот на Јупен од Белгија.
„Лавиците“ во 2. коло беа поуспешни од Тиват (Црна Гора), додека Белгијките го елиминираа Жалгирис од Литванија.
Првиот натпревар ќе се игра на 11 или 12 ноември, реваншот е една недела подоцна. ЖРК Ѓорче Петров првиот меч треба да го игра на гостински терен.
Вкупниот победник од овој двомеч ќе обезбеди место помеѓу 16-те најдобри во третото по квалитет европско клупско натпреварување за ракометарки. зс/