Еурофарм Пелистер домаќин на Вардар во големото дерби на македонскиот ракомет
- Ракометарите на Еурофарм Пелистер вечер ќе го пречекаат Вардар во обид да им го нанеста првиот пораз на „црвено-црните“ оваа сезона во Супер лигата.
Битола, 10 декември 2025 (МИА) – Ракометарите на Еурофарм Пелистер вечер ќе го пречекаат Вардар во обид да им го нанеста првиот пораз на „црвено-црните“ оваа сезона во Супер лигата.
Дербито ќе се игра во салата „Боро Чурлевски“ со почеток во 18 часот.
Во пресрет на овој натпревар, Вардар е лидер на табелата со максимални 15 победи и 30 бода, додека битолчани се втори со четири бода заостанување.
По неодамнешната оставка на Рубен Гарабаја од тренерската позиција, тимот на Пелистер до крајот на полусезоната ќе го води Звонко Шундовски. зс/
Фото: РК Пелистер