ЕП 2024: Шпанија убедлива против Грузија, следна пречка Германија
- Шпанија ја победи Грузија со 4:1 во Келн и си закажа натпревар со Германија во четвртфиналето на ЕП 2024.
![ЕП 2024: Шпанија убедлива против Грузија, следна пречка Германија](https://mia.mk/index.php/images/20240630230621_big_730x400_84.webp )
Келн, 30 јуни 2024 (МИА) - Шпанија ја победи Грузија со 4:1 во Келн и си закажа натпревар со Германија во четвртфиналето на ЕП 2024.
Грузијците изненадувачки поведоа по автоголот на Робин Ле Норманд во 18. минута, но тоа само ги налути Шпанците, кои израмнија пред паузата преку Родриго Ернандез, а во вториот дел додадоа три гола преку Фабијан Руиз, Нико Вилијамс и Дани Олмо.
Така, Шпанија сосема заслужено е во следната фаза од турнирот, каде што наредниот петок во Штутгарт се наѕира жестока битка со домаќинот.
„Ла Роха“ е единствената екипа во првенството со четири победи од четири досегашни натпревари.
Фудбалерите на Луис де ла Фуенте се во одлична форма и според експертите се главни фаворити за првото место на континенталниот турнир. дс
Фото: УЕФА ЕУРО 2024