Енрике Иглесијас и Рики Мартин најавија заедничка турнеја
- Турнејата започнува на 5 септември во Феникс, а ќе ги опфати и Хјустон, Лос Анџелес, Торонто, Монтреал, Њујорк, Мајами и многу други градови
![Енрике Иглесијас и Рики Мартин најавија заедничка турнеја](https://mia.mk/index.php/images/20221102222524_big_730x400_7.webp )
Лос Анџелес, 5 март 2020 (МИА) - Енрике Иглесијас и Рики Мартин беа меѓу првите што ја издигнаа шпанско-јазичната поп-култура во светски феномен. За годинава, поточно за наесен тие двајца најавија заедничка турнеја низ Северна Америка.
Колумбискиот Греми-номиниран пејач Себастијан Јатра ќе настапи како најавувач на концертите.
Турнејата започнува на 5 септември во Феникс, а ќе ги опфати и Хјустон, Лос Анџелес, Торонто, Монтреал, Њујорк, Мајами и многу други градови во САД и Канада. Ќе заврши на 30 октомври во Атланта. Билетите се пуштени во продажба денеска. си/