Екипа на Итна помош заглавена во лифт во Кисела Вода што паднал најмалку од приземје во подрум
- Екипа на Итната медицинска помош од Скопје е заглавена во лифт во подрумски дел од зграда на улица „Христо Татарчев“ бр.47 во скопската населба Кисела Вода. За ова е добиена пријава на телефонот 112 во 11:22 часот, информираат од Центарот за управување со кризи (ЦУК).
![Екипа на Итна помош заглавена во лифт во Кисела Вода што паднал најмалку од приземје во подрум](https://mia.mk/index.php/images/20240626125459_big_730x400_44.webp )
Скопје, 26 јуни 2024 (МИА) - Екипа на Итната медицинска помош од Скопје е заглавена во лифт во подрумски дел од зграда на улица „Христо Татарчев“ бр.47 во скопската населба Кисела Вода. За ова е добиена пријава на телефонот 112 во 11:22 часот, информираат од Центарот за управување со кризи (ЦУК).
-Од страна на ЦУК итно се известени Бригадата за противпожарна заштита Скопје и СВР Скопје. Лифтот паднал најмалку од приземје во подрум. Во него имало екипа на Итната медицинска помош. Најмалку четири лица биле во лифтот во моментот на падот, а пациент немало, бидејќи екипата била на констатација на смрт, прецизираат од ЦУК.
Претходно ЦУК информираше дека во лифтот е заглавена екипа на Итната помош заедно со пациент. вј/са/
Фото: МИА архива