Рамала, 12 август 2024 (МИА) - Еден Израелец е убиен, а друг ранет во вооружен напад на Палестинци кои отвориле оган на главен пат на окупираниот Западен Брег, соопштија израелската служба за итни случаи и армијата, а одговорноста за нападот ја презеде вооруженото крило на милитантната група Хамас.

Израелската армија потврди дека трага по осомничените напаѓачи, блокирајќи патишта и врши претреси.

Подоцна во текот на денот, бригадите Ал-Касам на Хамас соопштија дека нивните борци со седиште на Западниот Брег убиле израелски војник во населбата Мехола во долината на реката Јордан на Западниот Брег и „безбедно се вратиле во своите бази“.

Насилството на Западниот Брег, во пораст пред војната во Газа, дополнително ескалира, со зголемени израелски воени напади, насилство врз доселениците и палестински улични напади. мс/

фото: МИА архива