До крајот на денот и утре променливо облачно со пороен дожд
- Под влијание на влажна и нестабилна воздушна маса, до крајот на денов и утре времето ќе биде променливо облачно и нестабилно со повремен пороен дожд, грмежи и засилен ветер.
![До крајот на денот и утре променливо облачно со пороен дожд](https://mia.mk/index.php/images/20221113222528_big_730x400_55.webp )
Скопје, 16 септември 2022 (МИА) - Под влијание на влажна и нестабилна воздушна маса, до крајот на денов и утре времето ќе биде променливо облачно и нестабилно со повремен пороен дожд, грмежи и засилен ветер.
Како што соопштија од УХМР, на места врнежите ќе бидат пообилни. Се очекува да наврнат над 25 л/м2 воден талог.
Во недела пак, ќе дува силен северен ветер, што ќе услови значително намалување на дневната температура, за околу 10 степени, а од понеделник значително ќе се намали и утринската температура.бт/