Додик на разговори со Ајхорст: Важно е да се утврди датумот за почеток на преговорите со БиХ
- Претседателот на Република Српска, Милорад Додик, денеска разговараше со извршната директорка за Европа во Европската служба за надворешни работи (ЕЕАС), Анџелина Ајхорст, за неопходните реформи што Европската комисија ги очекува од Босна и Херцеговина, пред мартовската седница на Европскиот совет за тоа дали да одобри оваа земја да ги започне преговорите за членство во ЕУ.
![Додик на разговори со Ајхорст: Важно е да се утврди датумот за почеток на преговорите со БиХ](https://mia.mk/index.php/images/20240208170033_big_730x400_24.webp )
Бања Лука, 8 февруари 2024 (МИА) - Претседателот на Република Српска, Милорад Додик, денеска разговараше со извршната директорка за Европа во Европската служба за надворешни работи (ЕЕАС), Анџелина Ајхорст, за неопходните реформи што Европската комисија ги очекува од Босна и Херцеговина, пред мартовската седница на Европскиот совет за тоа дали да одобри оваа земја да ги започне преговорите за членство во ЕУ.
„Многу е важно да се одреди датум за преговори, а тоа да не е само општа одлука за преговори“, напиша Додик на социјалната мрежа Х.
Според него, со почетокот на преговорите БиХ мора да добие целосен суверенитет во своите постапки и дека домашните институции и избраните политички претставници се единствените релевантни за одлучување.
„Во моментов, со ОХР и странските судии во Уставниот суд на Босна и Херцеговина, тоа не е можно“, нагласи Додик.
Ајхорст вчера и завчера беше во официјална посета на БиХ, каде се сретна со повеќе претставници на БиХ, но не и со Додик. паг/
Фото: МИА архива