Ди Каприо снима нов филм
- На некои од сликите, глумецот е облечен како бездомник и стои до телефонска говорница. Папараците го забележале „како се однесува параноично“ во друг лежерен стил на облекување, според наводите. Имало и полициски автомобили на снимањето.
![Ди Каприо снима нов филм](https://mia.mk/index.php/images/20240206094356_big_730x400_9.webp )
Лос Анџелес, 6 февруари 2024 (МИА) - Објавени се првите фотографии од новиот филм со холивудскиот глумец Леонардо ди Каприо. Се работи за остварување на режисерот и сценарист Пол Томас Андерсон, првично насловено како „BC Project“.
На некои од сликите, глумецот е облечен како бездомник и стои до телефонска говорница. Папараците го забележале во лежерен стил на облекување „како се однесува параноично“. Имало и полициски автомобили на снимањето.
Неодамна се пишуваше дека тој потпишал за филмската адаптација на романот „Вајнленд“ на Томас Пинчон од 1990 година, но не е познато дали овој филм на Андерсон е за тоа.
Иако содржината засега се држи во тајна, според ИМДБ, во филмот глумат и Шон Пен и Реџина Хол. Буџетот наводно е сто милиони долари. си/ми/
Фото: ИМДБ