Две лица осомничени за набавка на синтетички дроги со криптовалути
- Скопското основно обвинителство покрена истрага против 37-годишна скопјанка и 29-годишен скопјанец за кои постои основано сомнение дека сториле кривично дело неовластено производство и пуштањ
![Две лица осомничени за набавка на синтетички дроги со криптовалути](https://mia.mk/index.php/images/20221113222712_big_730x400_6.webp )
-На аеродромот во Франкфурт, Германија, царински службеници заплениле поштенска пратка – хартиено плико на кое како примател била назначена осомничената. Пратката содржела амфетамин, па по воспоставена меѓународна соработка, поштенската пратка била испратена до пошта во Скопје на 09.09.2022 година. На осомничената и била доставена на домашна адреса. На 15 септември полициски службеници извршиле претрес во домот и пронашле амфетамин со нето маса од 82 грама, како и две тегли со наркотична дрога марихуана. При претрес кај осомничениот, пак, пронајденa е уште една полиетиленска ќесичка со марихуана и една метална дробилка со остатоци од марихуана, информираат денеска од Јавното обвинителство.
Надлежниот јавен обвинител до судијата на претходна постапка од Основниот кривичен суд Скопје доставил предлог за определување мерка притвор за осомничената, бидејќи, како што се наведува во соопштението, постојат околности кои упатуваат на опасност од бегство и можност да го повтори делото. За осомничениот се предложени мерки на претпазливост. сст/са/
Фото: МИА архива