Две жртви во невремето Денис во Велика Британија
- Најмалку две лица загинаа, а десетици илјади се соочуваат со хаосот што го предизвика невремето Денис во Велика Британија, поради кое се откажани стотици летови.
![Две жртви во невремето Денис во Велика Британија](https://mia.mk/index.php/images/20221102183213_big_730x400_43.webp )
Лондон, 16 февруари 2020 (МИА) - Најмалку две лица загинаа, а десетици илјади се соочуваат со хаосот што го предизвика невремето Денис во Велика Британија, поради кое се откажани стотици летови.
Едно 18-годишно момче се удавило во морето во покраината Кент, а друг паднал од бродот од резервоар за гориво во близина на пристаништето Маргејт, јави „Дејли Меил“.
Скоро 50.000 патници чекаат на аеродромите откако компанијата ИзиЏет откажа 234 летови, а уште 60 денеска ќе бидат приземјени.
Издадени се осум предупредувања поради временски неприлики, вклучувајќи и опасност по живот, откако се регистрирани ветрови од 140 километри на час и врнежи од дожд до 15 сантиметри.
Во десетина градови кои сè уште ја санираат штетата предизвикана од минатонеделното невреме Кјара, ангажирана е армијата за да ја засили одбраната од поплави.
Експертите предупредуваат дека невремето викендов ќе предизвика нови поплави. јт/