Дваесет и четврти април и 8 мај - неработни денови за сите граѓани
- СООПШТЕНИЕ: Министерството за труд и социјална политика информира дека по донесената одлука на 14та владина седница - 24 април 2024 година (среда) и 8 мај 2024 година (среда) се прогласени за неработни денови за сите граѓани!
![Дваесет и четврти април и 8 мај - неработни денови за сите граѓани](https://mia.mk/index.php/images/20240409165337_big_730x400_57.webp )
Скопје, 9 април 2024
Земајќи го во предвид Решението за распишување на избор за претседател на Република Северна Македонија („Службен Весник на РСМ“ бр.37/24), како Решението за распишување на избори за пратеници во Собранието на Република Северна Македонија („Службен Весник на РСМ“ бр.37/24), Министерството за труд и социјална политика информира дека по донесената одлука на 14та владина седница - 24 април 2024 година (среда) и 8 мај 2024 година (среда) се прогласени за неработни денови за сите граѓани!
Како министерство препорачуваме до сите институции и работодавачите од приватниот сектор на територијата на Република Северна Македонија да ги спроведат заклучоците од Владата за неработните денови со цел секој граѓанин да може непречено да го оствари своето право на глас во избирачката единица во којашто е регистриран.
Кабинет на дополнителната заменичка министерка за труд и социјална политика во техничката Влада, Јованка Тренчевска
Фото: МИА архива
__________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки