Груби и Ангелов на терен ја следеа состојбата со пожарите во Кумановско
- Првиот вицепремиер и министер за политички систем и односи меѓу заедниците Артан Груби попладнево го посети кумановскиот регион за да ја следи ситуацијата со пожарите и на терен беше заедно с
![Груби и Ангелов на терен ја следеа состојбата со пожарите во Кумановско](https://mia.mk/index.php/images/20221108004858_big_730x400_38.webp )
Куманово, 5 август 2021 (МИА) - Првиот вицепремиер и министер за политички систем и
односи меѓу заедниците Артан Груби попладнево го посети кумановскиот
регион за да ја следи ситуацијата со пожарите и на терен беше заедно со директорот на Центарот за управување со кризи, Стојанче Ангелов.
- Правиме максимални напори да им помогнеме на граѓаните, пожарникарите,
војниците и полицијата на сите места каде што има активни пожари. Со директорот на Центарот за управување со кризи Стојанче Ангелов денеска бевме во Довезенце, Кумановско, и бевме сведоци на натчовечките напори на жителите и пожарникарите да го изгаснат пожарот, соопшти Кабинетот на првиот вицепремиер Груби.
Оттаму информираат дека денеска на двете седници на Владата се донесени важни одлуки за управување со ситуацијата со овие катастрофи, вклучително и прогласување кризна состојба.
- Максималните капацитети на сите наши институции се ставени на располагање за справување со пожарите. Ги замолувам граѓаните да бидат многу внимателни и да ја почитуваат целосната забрана за движење во шумите, соопшти Кабинетот на Груби. хс/дма/
![Ангелов и Груби](/articles/images/grubi-i-angelov-na-teren-a-sledea-sosto-bata-so-pozharite-vo-kumanovsk/1Pdq7HWX6/placeholder.webp?use_watermark=0)