Градоначалникот Куртовски прими претставници на ФК „Радика" на реканците во Италија
- Градоначалникот на општина Маврово и Ростуше денеска во неговиот кабинет прими претставници на фудбалскиот клуб „Радика" на иселениците од подрачјето на Река во Италија.
![Градоначалникот Куртовски прими претставници на ФК „Радика](https://mia.mk/index.php/images/20230822211222_big_730x400_29.webp )
Дебар, 22 август 2023 (МИА) - Градоначалникот на општина Маврово и Ростуше Медат Куртовски денеска во неговиот кабинет прими претставници на фудбалскиот клуб „Радика" на иселениците од подрачјето на Река во Италија.
- Срдечна средба со претставници на фудбалскиот клуб „Радика” на нашинците од Џемона, Република Италија. Искажав голема благодарност до сите нив што преку спортот ја претставуваат нашата општина и држава, објави Куртовски на Фејсбук.
Според него, оваа екипа се натпреварува на многу фудбалски турнири а на турнирот во Лидо Адриано го освоила првото место, што, како што нагласува „не прави горди сите нас во општината".
- Благодарност до сите вас што преку спортот ја претставувате нашата општина и нашата држава. Им подаривме дресови од македонската фудбалска репрезентација за да можат достојно да ја претставуваат нашата општина и нашата држава, посочува Куртовски.
Во западноевропските земји, главно Италија и Германија живеат десетина илјади долнореканци, кои во летниот период масовно доаѓаат во родниот крај. вт/
Фото: ФБ Куртовски