Берлин, 20 јули 2024 (МИА) - Германската влада денеска ќе го почитува споменот на загинатите во неуспешниот обид за атентат врз Адолф Хитлер пред 80 години, јави ДПА.

Канцеларот Олаф Шолц ќе одржи говор на церемонијата во Меморијалниот центар на германскиот отпор во Берлин. Шолц и претседателот Франк-Валтер Штајнмаер потоа ќе положат венци во спомен на учесниците во неуспешниот обид за државен удар против нацистичкиот диктатор на 20 јули 1944 година.

Попладне околу 400 регрути на Бундесверот ќе положат заклетва на церемонија во Берлин, каде говор ќе има германскиот канцелар и министерот за одбрана Борис Писториус.

На 20 јули 1944 година, германските генерали и високи офицери, предводени од Клаус Шенк фон Штауфенберг, залудно се обидоа да го убијат Хитлер во бомбардирање за да ги соборат нацистите и да ја завршат Втората светска војна.

Штауфенберг и тројца негови соучесници беа застрелани истата вечер во дворот на Бендлерблок во Берлин, една од главните згради на тогашното Министерство за одбрана, во која сега се наоѓа Меморијалниот центар на германскиот отпор.

Откако обидот за атентат не успеа, беа уапсени повеќе од 7.000 луѓе, а по тешките мачења, неколку десетици беа убиени. мс/

фото: МИА архива