Герасимовски: Бесплатни ранчиња и училиштен прибор за сите првачиња во Центар
- Градоначалникот на Општина Центар, Горан Герасимовски ги посети училиштата „Коле Неделковски“ и „Кочо Рацин“ истакнувајќи ја важноста од образовниот процес и другарувањата кои некогаш траат за цел цел живот, и им подели ранчиња и училиштен прибор на првачињата.
![Герасимовски: Бесплатни ранчиња и училиштен прибор за сите првачиња во Центар](https://mia.mk/index.php/images/20230901132236_big_730x400_13.webp )
Скопје, 1 септември 2023 ( МИА) - Градоначалникот на Општина Центар, Горан Герасимовски ги посети училиштата „Коле Неделковски“ и „Кочо Рацин“ истакнувајќи ја важноста од образовниот процес и другарувањата кои некогаш траат за цел цел живот, и им подели ранчиња и училиштен прибор на првачињата.
-На денешниот почеток на учебната година ви посакувам многу успех во учењето, но и многу дружба и моменти за паметење. Основните училишта се лулка на другарувањето, спортувањето, симпатиите и основа за вашите идни лични достигнувања. Оваа година нашите осум основни училишта бројат 564 првачиња и за сите нив преку донација од општествено одговорна компанија обезбедивме толкав број ранчиња и училиштен прибор. Основното образование носи вредности за вас и вашата и нашата иднина затоа ви посакувам да бидете примерни деца и да имате успешна година, истакна Герасимовски.
Градоначалникот на учениците им порача дека училишните денови во основното образование се важен испис во животот и за крај им посака да имаат среќна учебна година, исполнета со успеси, другарувања и одлични резултати. љм/са/
Фото: Општина Центар