Барселона, 26 октомври 2024 (МИА) – Фудбалерот на Барселона, Гави, раскажа како се променил по тешката повреда.

Тој пропушти речиси една година поради оштетување на вкрстените лигаменти и менискусот на коленото.

- Научив многу затоа што сега многу повеќе цениш сè околу тебе. Оваа лекција ќе ми биде корисна во животот. Имав сериозна повреда, но по неа станав подобра личност и подобар соиграч, изјави Гави.

Дваесетгодишниот фудбалер потекнува од школата на Барселона, во првиот тим на каталонскиот клуб е од 2021 година. зс/

Фото: ЕПА