Во Шпанија задолжително носење маски
- Владата на Шпанија денеска соопшти дека носењето на маски за лице и понатаму ќе биде задолжително
![Во Шпанија задолжително носење маски](https://mia.mk/index.php/images/20221103220623_big_730x400_60.webp )
Мадрид, 19 мај 2020 (МИА) – Владата на Шпанија денеска соопшти дека носењето на маски за лице и понатаму ќе биде задолжително.
Одлуката беше донесена по вчерашниот состанок на централната Влада и претставниците на 17 автономни региони на Шпанија.
Како и до сега, маските ќе бидат задолжителни во јавниот превоз, во затворени простории и на улица доколку нема можност за дистанца од два метра.
Наредбата што официјално го пропишува носењето маски ќе стапи на сила за неколку дена.
Шпанија е на трето место по инфицирани лица со Ковид-19, чија бројка се искачи на 278.188, од кои 27.709 починаа, а оздравеа 196.958 луѓе. ки/ми/