Во тек е потрага по двајцата пилоти од урнатиот Канадер на грчкиот остров Евија
- Со два хеликоптери на грчкото воено воздухопловство во тек е акција за пребарување и спасување на двајцата воздухопловци, кои биле во Канадерот што кусо пред 15 часот по локално време се урна на грчкиот остров Евија додека учествуваше во гаснењето на пожарот во близина на Каристос, јави дописничката на МИА од Атина.
![Во тек е потрага по двајцата пилоти од урнатиот Канадер на грчкиот остров Евија](https://mia.mk/index.php/images/20230725154213_big_730x400_26.webp )
Атина, 25 јули 2023 (МИА) – Со два хеликоптери на грчкото воено воздухопловство во тек е акција за пребарување и спасување на двајцата пилоти, кои биле во Канадерот што кусо пред 15 часот по локално време се урна на грчкиот остров Евија додека учествуваше во гаснењето на пожарот во близина на Каристос, јави дописничката на МИА од Атина.
Станува збор за авион што припаѓа на военото воздухопловство.
Од Генералштабот на грчкото воздухопловство соопштија дека „за време на воздушно гаснење на пожар на Евија, во 14:52 часот, авион CL-215, со екипаж од двајца пилоти од 355-та тактичка транспортна ескадрила на 112-то борбено крило“.
Грчката државна телевизија ЕРТ објави видео на кое е снимен моментот на падот на авионот. ср/сд/
Фото ЕРТ