Дебар, 10 ноември 2024 (МИА) - Политичкиот советник на американската амбасада во Скопје, Метју Флан, денеска беше во посета на општина Дебар, каде оствари средба со градоначалникот Хекуран Дука.

Високиот гостин генерално бил заинтересиран за достигнувањата и тешкотиите со кои се соочува општина Дебар, особено во реализацијата на приоритетните проекти поврзани со подобрување на инфраструктурата, како и други прашања.

-Разговорот помина во многу пријателска атмосфера и се остави впечаток дека општина Дебар генерално ги исполнува ветувањата дадени пред граѓаните и дека во иднина ќе дојдат подобри времиња за подобрување на условите и квалитетот на животот во градот, но и во руралните делови на општината, информираа од општината.

Додаваат дека Флан ја поддржал ангажираноста што локалната власт ја прави за граѓаните и понудил уште поблиска соработка помеѓу амбасадата на САД и општина Дебар.

Искажал голема благодарен за гостопримството и го поканил градоначалникот и неговите соработници да ја посетат амбасадата. вт/сст/

Фото: општина Дебар