Велес,18 ноември 2022 (МИА) - Градоначалникот на Општина Градско Киро Нацков со својот тим од општината неделава ги посетуваше населените места во општината и разговараше со жителите за нивните проблеми и предлози. Посетата е пред донесувањето на буџетот за 2023 година од страна на Советот на Општина Градско, информираа градоначалникот Нацков. 

-Целта е преку непосреден контакт со жителите да ги слушнеме нивните идеи, размислувања, можни решенија на проблемите, појасни Нацков.

Досега се посетени и биле остварени средби со жителите на Ногаевци, Кочилари и другу населени места во Општина Градско. 

Тој најави дека посетета на жителите на населените места во Општина Градско ќе продолжи и во наредните денови. 

Воедно Нацков рече дека некои од најприоритетните проблеми на граѓаните, а согласно предведените средства за буџетот, ќе направи напори први да  бидат ставени и се решат со буџетот за  следната 2023 година. ад/дма/