Во Лондон денеска средба на британскиот премиер Џонсон со премиерката на Нов Зеланд Џасинда Ардерн
- Британскиот премиер Борис Џонсон денеска во Лондон ќе се сретне со премиерката на Нов Зеланд, Џасинда Ардерн, со која ќе разговараат за прашања поврзани со безбедноста и билатералните односи.
![Во Лондон денеска средба на британскиот премиер Џонсон со премиерката на Нов Зеланд Џасинда Ардерн](https://mia.mk/index.php/images/20221113171144_big_730x400_69.webp )
Лондон, 1 јули 2022 (МИА) - Британскиот премиер Борис Џонсон денеска во Лондон ќе се сретне со премиерката на Нов Зеланд, Џасинда Ардерн, со која ќе разговараат за прашања поврзани со безбедноста и билатералните односи.
Ардерн е во посета на Лондон по овонеделниот состанок на лидерите на НАТО во Мадрид, на кој присуствуваа и таа и Џонсон.
Кабинетот на Џонсон соопшти дека тој и Џасинда Ардерн ќе разговараат за безбедносните предизвици во индо-тихоокеанскиот регион и ситуацијата во Украина.
Двајцата лидери се очекува да разменат идеи за борба против дезинформациите на Интернет и зајакнување на билатералните врски во областите на трговијата и на науката.
„Партнерството меѓу Британија и Нов Зеланд ги прави нашите земји побезбедни и попросперитетни. Работиме заедно за да се справиме со новите закани што се предизвик за стабилноста и суверенитетот во Европа и во индо-пацифичкиот регион“, се вели во соопштението од Кабинетот на Џонсон. аб/паг/