Во Лас Вегас ќе се одржат 64. Греми награди
- Во Лас Вегас вечерва се одржува 64. доделување на Греми наградите. Како и минатата година, церемонијата ќе ја води комичарот Тревор Ноа
![Во Лас Вегас ќе се одржат 64. Греми награди](https://mia.mk/index.php/images/20221112163643_big_730x400_37.webp )
Вашингтон, 3 април 2022 (МИА) – Во Лас Вегас вечерва се одржува 64. доделување на Греми наградите. Како и минатата година, церемонијата ќе ја води комичарот Тревор Ноа.
Џастин Бибер, американската раперка Доџа Кет и Габриела Вилсон, позната под уметничкото име Х.Е.Р. имаат по осум номинации, а Били Ајлиш седум.
Церемонијата првично беше закажана за 31 јануари, но беше одложена поради појавата на сојот омикрон.
Греми, основана во 1959 година, е годишна награда за исклучителен придонес во музиката и дискографијата, која ја доделува Американската академија за уметности и науки на рекорди (НАРАС). ми/