Во западните делови од државата, на повисоките места врнежи од снег, засега не претставуваат проблем за одвивање на сообраќај
- Сообраќајот на државните патишта се одвива непречено, по влажни коловози. Во западните делови од државата, на повисоките места се бележат врнежи од снег, но засега не претставуваат проблем за одвивање на сообраќај.
![Во западните делови од државата, на повисоките места врнежи од снег, засега не претставуваат проблем за одвивање на сообраќај](https://mia.mk/index.php/images/20240421125400_big_730x400_32.webp )
Скопје, 21 април 2024 (МИА) - Сообраќајот на државните патишта се одвива непречено, по влажни коловози. Во западните делови од државата, на повисоките места се бележат врнежи од снег, но засега не претставуваат проблем за одвивање на сообраќај.
Од АМСМ соопштија дека интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. цр/
Фото: МИА архива