Во Дебар ќе почне реализација на инфраструктурен проект во интерес на ромската заедница
- Општина Дебар најави реализација на значаен инфраструктурен проект во интерес на ромската заедница и сите други граѓани на оваа општина.
![Во Дебар ќе почне реализација на инфраструктурен проект во интерес на ромската заедница](https://mia.mk/index.php/images/20230803180733_big_730x400_8.webp )
Дебар, 3 август 2023 (МИА) - Општина Дебар најави реализација на значаен инфраструктурен проект во интерес на ромската заедница и сите други граѓани на оваа општина.
-Европскиот совет и програмата „РОМАКТЕД“ фаза 2, заедничката програма на Европската унија и Европскиот совет одобрија средства во износ од 10 илјади евра, во рамки на проектот „Промовирање на доброто управување и зајакнување на Ромите на локално ниво", информираа попладнево од Општина Дебар, по добиената информација за одобрениот проект.
Со финансиските срества од овој проект се очекува да бидат реализирани неколку зафати и тоа поставување заштитна мрежа во населба „Намазјар", санирање на оштетувања на улицата „Танас Топаловски“, обезбедување на водоводната мрежа и обнова на потпорниот ѕид.
Населбата „Намазјар" е со мешан состав на населението, но најбројни се припадниците на ромската заедница. вт/фф/
Фото: МИА