Во Дебарско Езеро за првпат уловен сом
- За првпат во водите на Дебарско Езеро уловен е сом, тежок 25 килограми.
![Во Дебарско Езеро за првпат уловен сом](https://mia.mk/index.php/images/20221113110621_big_730x400_22.webp )
Дебар, 14 април 2022 (МИА) - За првпат во водите на Дебарско Езеро уловен е сом, тежок 25 килограми.
Сомот го уловил познатиот риболовец Африм Даци, кој потврди дека рибата е со тежина од 25 килограми а ја уловил во близина на селото Џепиште.
- Јас сум страстен спортски риболовец. Сум уловил пастрмка, крап, скобал, мрена но еве денес и сом. Ова се случува за првпат зашто е познато дека во водите на нашето езеро нема ваков вид риба, вели Даци.
Вештачката акумулација „Дебарско Езеро“ (Шпилје) изградена е пред 53 години, а она што го изјави Даци го потврдуваат и други повозрасни рибари.
И од Спортското риболовно друштво „Трофта“ велат дека не се памети улов на сом во езерото.вт/сх