Во Велес кај Багремче викендов ќе се освети новата црква „Св. Јован Крстител“
- Повардарската епархија в недела наутро ќе ја освети новоизградената и фрескоживописана црква „Свети Јован Крстител“ во месноста Багремче во новиот дел на Велес. Чинот на осветување ќе започне
![Во Велес кај Багремче викендов ќе се освети новата црква „Св. Јован Крстител“](https://mia.mk/index.php/images/20221114011249_big_730x400_43.webp )
Велес, 21 октомври 2022 (МИА) - Повардарската епархија в недела наутро ќе ја освети новоизградената и фрескоживописана црква „Свети Јован Крстител“ во месноста Багремче во новиот дел на Велес. Чинот на осветување ќе започне во 8:30 часот. Во 9:30 ќе има архијерејска литургија со која ќе чиноначалствува митрополитот повардарски г. Агатангел во сослужение на митополититот брегалнички г. Иларион, митрополитот тетовско-гостиварски г. Јосиф, митрополитот кумановско-осоговски г. Григориј и бројно свештенство на Повардарската епархија.
На чинот на осветување в сабота вечер во 17 часот ќе има празнична вечерна богослужба на која ќе богослужи митрополитот повардарски Агатангел.
Изградбата на црквата заврши во јануари 2020 години, а се градеше од 30 август 2015 година кога беше поставен и осветен камен-темелникот. Во изминатите повеќе од две години новата црква се фрескоживописуваше.
Во рамките на црковниот комплекс е изградена и камбанарија, на која се поставени три камбани, како и црковно-административни простории, а изграден е и параклис посветен на „Свети Агатангел Битолски“.
Оваа најнова црква во Велес е изградена со средства на Повардарската епархија, како и со доброволни прилози на верниците. ад/