Во боите на ретките болести осветлени и водите на Охридското Езеро
- Нуркачите од Нуркачкиот центар „Акватек“ од Охрид се приклучија кон националната кампања за осветлување на знаменитости и културно-историски споменици со цел подигнување на свеста и запознава
![Во боите на ретките болести осветлени и водите на Охридското Езеро](https://mia.mk/index.php/images/20221105195341_big_730x400_84.webp )
Охрид, 3 февруари 2021 (МИА) – Нуркачите од Нуркачкиот центар „Акватек“ од Охрид се приклучија кон националната кампања за осветлување на знаменитости и културно-историски споменици со цел подигнување на свеста и запознавање со ретките болести.
Тие со илуминација поставена кај месноста Сараиште ги осветлија водите на Охридското Езеро, на местото каде се наоѓа старата дрвена шина користена за извлекување бродови и пловни објекти.
Претходно со илуминација во акцијата се вклучи и Архивот на Охрид, со осветлување на објектот во боите на ретките, а акцијата стартуваше на 1 февруари кога беше осветлена Самуиловата тврдина во Охрид. Тврдината ќе биде осветлена во боите на ретките болести се до крајот на февруари до кога и трае националната кампања за запознавање на ретките заболувања. аб/свс/
![бб](/articles/images/vo-boite-na-retkite-bolesti-osvetleni-i-vodite-na-ohridskoto-ezero/C6urtniOB/placeholder.webp?use_watermark=0)