Кaбул, 15 мај 2024 (МИА) - Авганистански воен хеликоптер се урна денеска во провинцијата Гор во западен Авганистан, при што загинало најмалку едно лице, соопшти авганистанското Министерство за одбрана.

Урнувањето на хеликоптерот МИ-17 се случило поради технички проблем. Повредени се 12 лица, се наведува во соопштението за печатот.

Хеликоптерот бил во спасувачка мисија откако возило со цивили паднало во река во близина на градот Фероз Кох, главниот град на провинцијата Гор, соопшти Министерството на платформата Икс. рп/

Фото: ЕПА