Виртуелен настан „Green Accelerator Demo Day“
- Фондацијата Претприемачки Сервис за млади денеска ќе го одржи виртуелниот настан „Green Accelerator Demo Day“ на кој десет избрани претприемачи од програмата ќе имаат можност да се презенти
![Виртуелен настан „Green Accelerator Demo Day“](https://mia.mk/index.php/images/20221113234850_big_730x400_64.webp )
Скопје, 5 октомври 2022 (МИА) - Фондацијата Претприемачки Сервис за млади денеска ќе го одржи виртуелниот настан „Green Accelerator Demo Day“ на кој десет избрани претприемачи од програмата ќе имаат можност да се презентираат во пет минути пред панел составен од интернационални инвеститори, експерти од индустријата, клиенти и медиуми.
„Green Accelerator Demo Day“ е завршен настан на акцелераторската програма за зелени бизниси „Зелена транзиција“, поддржана од Шведска и имплементирана во соработка со Европската банка за обнова и развој (ЕБОР) во рамки на програмата Youth in Business во Северна Македонија.
Програмата Youth in Business на Европската банка за обнова и развој беше воведена со цел да промовира младинско претприемништво и младинско учество во економијата преку обезбедување поддршка во вид на менторство и пристап до финансии за компании кои се основани или менаџирани од млади лица.см/мд/