Весковски: Ќе креираме локална младинска стратегија и ќе отвориме нов Младински центар
- Градење одржливи системи за поддршка и механизми за активно учество на младите во креирањето на локалните политики и заедничко носење на одлуки, е целта на проектите кои денеска ги презентира
![Весковски: Ќе креираме локална младинска стратегија и ќе отвориме нов Младински центар](https://mia.mk/index.php/images/20221108200246_big_730x400_35.webp )
Скопје, 12 октомври 2021 (МИА) - Градење одржливи системи за поддршка и механизми за активно учество на младите во креирањето на локалните политики и заедничко носење на одлуки, е целта на проектите кои денеска ги презентираше кандидатот за градоначалник на општина Карпош од СДСМ и коалицијата, Душко Весковски.
Весковски издвои повеќе проекти како, отворање нов Младински центар и Канцеларија за млади која ќе служи како точка за информирање и координација со другите сервиси за млади на локално ниво, креирање локална младинска стратегија и буџет за млади, според кој, општината ќе одвои 0,1 отсто од својот буџет, субвенционирање на еколошки превоз за млади, во рамките на редовните повици за субвенционирање велосипеди и електрични тротинети, воведување на квота за млади до 29 години, субвенции за електронски уреди за ученици од основно и средно образование коишто се жители на Карпош, „Карпош ФИТ“, посебна програма за младите во Карпош за активен спортски физички живот и нутриционистички совети, стипендии за најдобрите ученици и поддршка на практичната работа, стипендии за ученици од семејства во социјален ризик и еднородителски семејства.
- Главниот капитален проект во оваа област е основањето Младински центар, со библиотека и читалница, потенцира Весковски. свс/сп/