Венеција понуди работа и престој за 150.000 евра годишно
- Градот, имено, бара веслачи на гондоли кои ќе ги водат туристите низ каналите. Кандидатите треба да имаат 18 години или повеќе, да имаат училишно образование и да знаат да пливаат.
![Венеција понуди работа и престој за 150.000 евра годишно](https://mia.mk/index.php/images/20240829115403_big_730x400_63.webp )
Венеција, 29 авгyст 2024 (МИА) - Можеби едно од најпопуларните туристички места во Италија, Венеција понуди можност за заработка и престој во градот за плата од 150.000 евра годишно.
Градот, имено, бара веслачи на гондоли кои ќе ги водат туристите низ каналите. Кандидатите треба да имаат 18 години или повеќе, да имаат одредено училишно образование и да знаат да пливаат. Тие ќе мора и да зборуваат италијански. Идните гондолиери сега прво ќе треба да минат шестмесечен курс за обука - вкупно 400 часа, којшто инаку, чини околу 1.000 евра.
„Официјалната тарифа за 30-минутно возење со гондола е 80 евра. Цената оди до 100 евра од 19 часот па натаму. Ако сакате гондолиерот да пее или да свири инструмент за време на возењето, ќе треба да се доплати“, се вели во описот.
По завршувањето на обуката, кандидатот добива сертификат и дозвола за веслење гондола.
Веслачот потоа е одговорен и за одржување на 11-метарското пловило. Пријавите за работното место се затворени на 27 август. си/сд/
Фото: МИА архива