Лозана, 21 септември 2020 (МИА) - Швајцарецот Стен Вавринка објави раскинување на соработката со тренерот Магнус Норман, со кого освои три Грен слем турнири.

• По осум прекрасни години, решивме да се разделиме со заеднички договор. Соработката беше неверојатно силна, пријатна и исклучително успешна. Заедно го достигнавме врвот на спортот и сакам да му кажам благодарам на Магнус што ми помогна да освојам сè за што само можев да сонувам.

Тој беше одличен тренер, пријател и ментор и секогаш ќе остане моја блиска личност. Сакам јавно да му се заблагодарам за неговиот труд и посветеност да ме направи подобар. Победите на три Грен слема го сменија мојот живот и без него не можев да го сторам тоа, напиша Вавринка. Тој ги има освоено Австралија опен (2014), Ролан Гарос (2015) и УС опен (2016). зс/