Бурата Денис ги погоди нордискиот и балтичкиот регион
![Бурата Денис ги погоди нордискиот и балтичкиот регион](https://mia.mk/index.php/images/20221102210122_big_730x400_45.webp )
Копенхаген, 17 февруари 2020 (МИА) - Десетина патишта и неколку премини во Норвешка денеска се затворени поради силните ветрови и обилниот дожд, додека југозападниот дански град Колдинг и неговата околина се поплавени.
Поради бурата Денис во Естонија околу 1.200 домаќинства останаа без електрична енергија.
Бурата Денис што почна за време на викендот го наруши сообраќајот ширум Европа и има потенцијал да нанесе поголема штета од бурата Кјара, што ја погоди Европа минатиот викенд.
Бурата Денис не предизвика жртви во нордискиот и балтичкиот регион, а во Велика Британија во саботата усмрти две лица и предизвика поплави ширум земјата. ми/