Бугарски разбојници украле 152 сладоледи во грабеж во Варна
- Утврдено е дека крадците провалиле во минимаркетот и украле 148 корнети сладолед и четири кутии сладолед од по еден килограм.
![Бугарски разбојници украле 152 сладоледи во грабеж во Варна](https://mia.mk/index.php/images/20221113160904_big_730x400_53.webp )
Варна, 17 јуни 2022 (МИА) - Двајца мажи на возраст од 23 и 34 години се приведени во градот Варна во североисточна Бугарија, откако украле сладолед од една помала продавница.
Утврдено е дека разбојниците провалиле во минимаркетот и украле 148 корнети сладолед и четири кутии сладолед од по еден килограм. Пријавата за кражбата ја поднел сопственикот на продавницата.
На крадците на сладолед им е одреден притвор од 72 часа. си/