Брајан Адамс предизвика контроверзии на Твитер: Ќе станам веган
- „Вечерва требаше да почне серијата свирки на @royalalberthall , но поради некои е**ни луѓе кои јадат лилјаци, продаваат животни на пазари за сирово месо и алчни копилиња што создаваат вируси,
![Брајан Адамс предизвика контроверзии на Твитер: Ќе станам веган](https://mia.mk/index.php/images/20221103203117_big_730x400_77.webp )
Лос Анџелес, 12 мај 2020 (МИА) - Рок-ѕвездата од 1980-тите и 90-тите, Брајан Адамс предизвика лавина реакции на Твитер со една вчерашна негова гневна објава.
„Вечерва требаше да почне серијата свирки на @royalalberthall , но поради некои е**ни луѓе кои јадат лилјаци, продаваат животни на пазари за сирово месо и алчни копилиња што создаваат вируси, светот е стопиран. Да не говорам за илјадниците луѓе кои страдаат или веќе починаа. Мојата порака до сите нив, освен ’Фала многу, е дека ќе станам веган“, објави пејачот на Твитер.
Со тоа, тој предизвика и позитивни, и негативни коментари. Некои ова го протолкуваа како расизам и ксенофобија кон Кинезите, иако тој никаде не ги спомнува. Имаше и такви кои го поддржуваат рокерот.
„Брајан Адамс без такт си го гризна стапалото, но поимот расизам не ми падна на ум. Кина заслужува и повеќе критики кон нивната Влада, која ги игнорира опасностите од пазарите за сирово месо, коишто веројатно се и главен извор на многу од новите болести, како коронавирусот“, објави Твитер-профилот под името Брајан Локет. си/паг/