Борусија Дортмунд е подготвена да му понуди значително зголемување на платата на Белингам
- Борусија Дортмунд е подготвена да му понуди на играчот од средниот ред Џуд Белингам зголемување на платата за 150 отсто.
![Борусија Дортмунд е подготвена да му понуди значително зголемување на платата на Белингам](https://mia.mk/index.php/images/20230328140323_big_730x400_50.webp )
Дортмунд, 28 март 2023 (МИА) - Борусија Дортмунд е подготвена да му понуди на играчот од средниот ред Џуд Белингам зголемување на платата за 150 отсто.
Според „Билд“, клубот на секој начин сака да го задржи 19-годишниот играч долго време. Се верува дека Реал Мадрид, Манчестер сити и Ливерпул се во „лов“ на англискиот фудбалер.
Актуелниот договор на играчот од средниот ред со германскиот клуб е до летото 2025 година.
Англичанецот оваа сезона забележа 34 настапи за Борусија Дортмунд, постигна 10 голови и шест асистенции.
Порталот Трансфермаркт ја проценува вредноста на играчот на 110 милиони евра. зс/
Фото: ЕПА