Бонус од 200 до 600 евра месечно за грчките лекари кои ќе работат во проблематични или непопуларни подрачја
- Финансиска стимулации за привлекување и задржување на лекарите во т.н. проблематични или непопуларни подрачја, воведува грчката Влада, а бонусот ќе биде меѓу 200 и 600 евра месечно, јави дописничката на МИА од Атина.
![Бонус од 200 до 600 евра месечно за грчките лекари кои ќе работат во проблематични или непопуларни подрачја](https://mia.mk/index.php/images/20240906093156_big_730x400_58.webp )
Атина, 6 септември 2024 (МИА) – Финансиска стимулации за привлекување и задржување на лекарите во т.н. проблематични или непопуларни подрачја, воведува грчката Влада, а бонусот ќе биде меѓу 200 и 600 евра месечно, јави дописничката на МИА од Атина.
Грчкиот премиер Кирјакос Мицотакис преку социјалните мрежи соопшти дека веќе е потпишана конкретната министерска одлука, објаснувајќи дека „новиот додаток, во зависност од категоријата на областа каде лекарот ќе работи, започнува од 200 евра и за конкретни специјалности може да достигне и до 600 евра месечно“ и истакнувајќи дека ќе продолжат практично да го поддржуваат националниот здравствен систем.
Министерот за здравство на Грција Адонис Георгиадис ја објави одлуката што ја потпишал заедно со министерот за национална економија и финансии, а која предвидува поделба на проблематичните регионите во две категории, а вклучени болници и здравствени центри од цела Грција, како и мали и оддалечени острови.
Поради ниските плати, честа појава во Грција е лекарите да го напуштаат државниот здравствен систем. ср/ссм/
Фото: Архива МИА