Блинкен со благодарност до Чавошоглу за поддршката на Турција кон Украина
- Американскиот државен секретар Ентони Блинкен денеска разговараше со министерот за надворешни работи на Турција, Мевлут Чавушоглу, при што ја истакна осудата за однапред планираната, неиспров
![Блинкен со благодарност до Чавошоглу за поддршката на Турција кон Украина](https://mia.mk/index.php/images/20221112134441_big_730x400_16.webp )
Вашингтон, 28 февруари 2020 (МИА) - Американскиот државен секретар Ентони Блинкен денеска разговараше со турскиот министер за надворешни работи, Мевљут Чавушоглу, при што ја истакна осудата за однапред планираната, неиспровоцирана и незаконска инвазија врз Украина и се заблагодари за поддршката на Турција кон Киев.
Во денешното соопштение од Стејт департментот се наведува дека Блинкен изразил задоволство од покажаната солидарност на партнерите и сојузниците во соочување со кризата.
- Блинкен го изрази своето задоволство од континуираната имплементација на Коневенцијата од Монтре од страна на Турција и коментарите на министерот Чавушоглу околу ова прашање, изјави портпаролот Нед Прајс.
Конвенцијата од Монтре го регулира преминот на бродовите низ теснеците Босфор и Дарданели. Според документот, Анкара има право да забранува транзит на воени бродови за време на војна и кога е соочена со воени закани.
Секретарот се заблагодари на Турција за цврстата поддршка во одбраната на Украина и нејзиниот суверенитет и територијален интегритет, се вели во соопштението. кб/