Блинкен повика на шестнеделен прекин на огнот во Појасот Газа
- „Сакам да им честитам Рамазан на повеќе од 1,8 милијарди муслимани низ светот. Оваа година, празникот доаѓа во време на конфликти и болка за многу муслимански заедници, вклучувајќи ги Ујгурите во Синџијанг, Рохинџите во Бурма и Бангладеш и Палестинците во Газа“, рече Блинкен во изјавата објавена од Стејт департментот.
![Блинкен повика на шестнеделен прекин на огнот во Појасот Газа](https://mia.mk/index.php/images/20240312174846_big_730x400_88.webp )
Вашингтон, 12 март 2024 (МИА) - Американскиот државен секретар Ентони Блинкен денеска повика на прекин на огнот во Појасот Газа во времетраење од најмалку шест недели.
„Сакам да им честитам Рамазан на повеќе од 1,8 милијарди муслимани низ светот. Оваа година, празникот доаѓа во време на конфликти и болка за многу муслимански заедници, вклучувајќи ги Ујгурите во Синџијанг, Рохинџите во Бурма и Бангладеш и Палестинците во Газа“, рече Блинкен во изјавата објавена од Стејт департментот.
Тој додаде дека хуманитарната ситуација во Газа е „срцепарателна“.
„Додека испорачуваме дополнителна помош за Газа, ќе продолжиме да работиме без престан за да воспоставиме прекин на огнот од најмалку шест недели како дел од договорот за ослободување на заложниците. Ние, исто така, ќе продолжиме да бараме решение за две држави за да се осигураме дека Палестинците и Израелците имаат еднакви слободи, достоинство, безбедност и просперитет. Мирот е можен, неопходен е и итен“, истакна Блинкен. ссм/
фото: архива