Битиќи: Подобра инфраструктура е предуслов за економски развој, со договорот со Бехтел и Енка ќе докажеме дека може да се гради на начин кој досега не е виден
- Поддршката на компаниите за инвестиции ќе продолжи и за тоа не се намалени средствата во Буџетот, но јавните инвестиции и инвестиции во капитални инфраструктурни проекти се нужни за растот на економијата и мора да бидат продолжени и тоа ќе биде направено, посочи денеска вицепремиерот за економски прашања Фатмир Битиќи.
![Битиќи: Подобра инфраструктура е предуслов за економски развој, со договорот со Бехтел и Енка ќе докажеме дека може да се гради на начин кој досега не е виден](https://mia.mk/index.php/images/20230309130155_big_730x400_59.webp )
Скопје, 9 март 2023 (МИА) - Поддршката на компаниите за инвестиции ќе продолжи и за тоа не се намалени средствата во Буџетот, но јавните инвестиции и инвестициите во капитални инфраструктурни проекти се нужни за растот на економијата и мора да бидат продолжени и тоа ќе биде направено, посочи денеска вицепремиерот за економски прашања Фатмир Битиќи.
Јавните инвестиции, потенцира тој, се еден од клучните фактори за растот на економијата, а подобра инфраструктура е предуслов за економски развој.
- Со потпишувањето на договорот за изградба на коридорот 8 и 10 д со „Бехтел и Енка“, она што ќе го правиме и е градење подобра инфраструктура. Конечно ќе успееме да докажеме дека во Македонија може да се гради на начин кој досега не е виден. Во изминатите 30 години просечно во една година се изградени по пет километри автопат. Толкав бил капацитетот на нашата држава. Сега ќе докажеме и гарантираме дека ќе се изградат над 23 километри автопат годишно за нашите граѓани и стопанството да имаат подобри услови и да имаат подобра поврзаност, рече Битиќи во одговор на прашање на паузата на конференцијата „Преку дигитализација кон нова генерација на регионална соработка“ што денеска се одржува во Скопје. вј/сп/
Фото: МИА архива