Битиќи-Смит: Обединетото Кралство и Северна Македонија имаат одлични економски односи и голем потенцијал за развој
- Вицепремиерот задолжен за економски прашања, координација со економските ресори и инвестиции, Фатмир Битиќи се сретна со заменик-амбасадорката на Обединетото Кралство во Република Северна Македонија, Џулија Смит. На средбата од страна на соговорниците беа нагласени одличните економски врски што постојат помеѓу двете држави, што се препознава и преку неодамна пројавениот интерес на две компании од Обединетото Кралство да реализираат стратешки проекти во Северна Македонија, соопшти владината прес-служба.
![Битиќи-Смит: Обединетото Кралство и Северна Македонија имаат одлични економски односи и голем потенцијал за развој](https://mia.mk/index.php/images/20240222105855_big_730x400_14.webp )
Скопје, 22 февруари 2024 (МИА) - Вицепремиерот задолжен за економски прашања, координација со економските ресори и инвестиции, Фатмир Битиќи се сретна со заменик-амбасадорката на Обединетото Кралство во Република Северна Македонија, Џулија Смит. На средбата од страна на соговорниците беа нагласени одличните економски врски што постојат помеѓу двете држави, што се препознава и преку неодамна пројавениот интерес на две компании од Обединетото Кралство да реализираат стратешки проекти во Северна Македонија, соопшти владината прес-служба.
Вицепремиерот Битиќи ја информирал заменик-амбасадорката Смит за законските постапки околу реализацијата на стратешки инвестиции, притоа посочувајќи дека едната од овие две инвестиции е влезена во собраниска процедура, а другата е во процес на одлучување. На средбата била спомената и најголемата компанија во земјава по приходи „Џонсон Мети“, чие позитивно искуство, како што било нагласено, може да послужи и како пример за други компании од Обединетото Кралство да ја препознаат Северна Македонија како место за проширување на своите деловни активности.
-Беше подвлечена и важноста од продолжување на унапредување на одличните политички односи помеѓу двете земји, притоа посочувајќи на взаемни придобивки кои произлегуваат од нив. Двете страни ја истакнаа и потребата од континуирана соработка и дијалог за да се одговори на заедничките гео-политички предизвици и да се искористат можностите што се појавуваат. Во овој контекст, стана збор и за претстојниот самит на ЕБРД, кој на почетокот на наредната недела ќе се одржи во Лондон, а каде ќе учествува и вицепремиерот Битиќи, се вели во денешното соопштение од Владата.
Дополнително, станало збор за значењето на регионалната економска соработка во рамките на Западен Балкан, при што од соговорниците било оценето дека тоа претставува израз на посветеност за поттикнување поблиски врски помеѓу државите од регионот, промовирање на стабилност и просперитет на патот кон членство во Европската Унија. Вицепремиерот Битиќи и заменик-амбасадорката Смит изразиле оптимизам за идната траекторија на билатералните односи и ја потврдија својата посветеност за понатамошно продлабочување на соработката во различни сфери. сст/са/
фото Влада на РСМ