Билд: Убиен поранешниот светски шампион во бокс Нимани
- Боксерот Бесар Нимани е застрелан во германскиот град Билефилд, објави „Билд“. Убиството се случи на 9 март.
![Билд: Убиен поранешниот светски шампион во бокс Нимани](https://mia.mk/index.php/images/20240311123708_big_730x400_21.webp )
Берлин, 11 март 2024 (МИА) - Боксерот Бесар Нимани е застрелан во германскиот град Билефилд, објави „Билд“. Убиството се случи на 9 март.
Според германскиот медиум, спортистот бил застрелан додека излегувал од фризер. Очевидци пријавиле шест до осум истрели.
Се претпоставува дека убиството го извршила група од 5-6 лица. Брзата помош која пристигнала на местото на настанот немала време да го спаси 38-годишниот боксер кој починал на лице место.
Нимани ја освои светската титула во полусредна категорија на Меѓународната боксерска федерација (IBF). Во професионалниот ринг има 25 победи и еден пораз.
Во 2013 година, Нимани беше застрелан за време на улична тепачка. зс/
Фото: Фејсбук